Ի՞նչ է շահաբաժինը

Ընկերությունն իր տնտեսական գործունեության ընթացքում շահույթ է ստանում։ Նա կարող է իր վաստակած միջոցներով բազմաբնույթ ներդրումներ կատարել՝ հօգուտ հետագա զարգացման կամ կիսել դրանք բաժնետերերի հետ:

Շահաբաժին - ընկերության շահույթի մի մասն է, որը բաշխվում է սեփականատերերի միջև՝ նրանց բաժնետոմսերի քանակի համամասնությամբ: Դրանք կարող են վճարվել եռամսյակային, կիսամյակային կամ տարեկան կտրվածքով: Կարող են սահմանվել նաև միանվագ հատուկ շահաբաժիններ:

Որպես կանոն, շահաբաժիններ վճարում են այն ընկերությունները, որոնք ծավալում են կայուն, շահութաբեր բիզնես։ Այդպիսիք հաճախ ներկայացնում են հեռահաղորդակցության, նավթի և գազի, մետալուրգիական, սպառողական ապրանքների, բնակարանային և կոմունալ ծառայությունների կամ առողջապահության ոլորտները: Շահաբաժիններ վճարող ընկերությունների բաժնետոմսերը պակաս անկայուն են, այսինքն՝ արագ աճ չեն ցուցաբերում, բայց միևնույն ժամանակ ավելի քիչ են ենթարկվում ուժեղ անկումների։

Շահաբաժնային բաժնետոմսեր գնելը ներդրողին թույլ է տալիս երկարաժամկետ պորտֆել կառուցել՝ կայուն դրամական հոսքեր ստանալու հնարավորությամբ:

Այժմ, երբ ունենք ընդհանուր պատկերացում այն մասին, թե ինչ է շահաբաժինը, ուսումնասիրենք՝ ինչպես ճիշտ ընտրել շահաբաժնային բաժնետոմսեր և վաստակել դրանց միջոցով։

Շահաբաժինների վճարումն ընկերության իրավունքն է, բայց ոչ պարտավորությունը: Եթե օրինակ նախկինում շահութաբեր բիզնես վարող ընկերության ֆինանսական վիճակը վատանա, ղեկավարությունը կարող է որոշել նվազեցնել վճարումների չափը կամ ընդհանրապես ոչինչ չվճարել: Շահաբաժինների վճարման կարգը նույնպես ըստ ընկերության շահութաբաժնային քաղաքականության կարող է տարբեր լինել։ Հետևաբար, կարևոր է ուշադիր ընտրել բաժնետոմսերը, որոնք նախատեսում եք ներառել Ձեր շահաբաժնային պորտֆելում:

1. Գնահատեք ակնկալվող շահաբաժինների չափը: Քանի որ վճարումները կատարվում են ներդրողի ունեցած բաժնետոմսերի քանակի համամասնությամբ, հատուկ ուշադրություն պետք է դարձնել ոչ թե շահաբաժնի բացարձակ արժեքին, օրինակ՝ մեկ բաժնետոմսի համար 5 դոլար, այլ հարաբերական արժեքին, այսինքն՝ շահաբաժնի եկամտաբերությանը: Շահաբաժինների եկամտաբերությունը շահաբաժնի հարաբերակցությունն է արժեթղթի գնին:

Օրինակ, եթե ընկերությունը վճարում է 5 դոլար մեկ բաժնետոմսի համար, իսկ բաժնետոմսի գինը կազմում է 100 դոլար, ապա շահաբաժնային եկամտաբերությունը կազմում է 5%:

Ընտրեք շահաբաժնային եկամտաբերության՝ Ձեզ համար ընդունելի մակարդակ:

2. Ծանոթացեք ընկերության ֆինանսական վիճակին։ Որքան կայուն է ընկերությունը, այնքան մեծ է դիվիդենտներ վճարելու հավանականությունը։ Կայունությունը և շահութաբեր բիզնեսը այդ դեպքում խիստ կարևոր գործոններ են։

3. Ծանոթացեք շահաբաժիններին վերաբերող ընկերության փաստաթղթերին: Շահութաբաժնային քաղաքականությունը առանցքային փաստաթուղթ է, որը որոշում է շահաբաժինների վճարման կարգը, պայմանները, ժամկետները և չափը։ Այնուամենայնիվ, այս փաստաթուղթը նկարագրում է ընդհանուր մոտեցումը, իսկ կոնկրետ վճարման մասին որոշումը կայացնում է բաժնետերերի ընդհանուր ժողովը: Ընդհանուր ժողովների արձանագրությունները կարելի է գտնել թողարկողի կայքում՝ բաժնետերերի և ներդրողների համար բաժնում:

4.Ուսումնասիրել ընկերության շահաբաժինների վճարումների պատմությունը: Կայուն վճարումների երկար պատմությունը ընթացիկ ժամանակահատվածում շահաբաժիններ ստանալու մեծ հնարավորություն է տալիս: Ընկերությունները, որոնք կանոնավոր կերպով ավելացրել են իրենց շահաբաժինների վճարման մակարդակները 25 տարի շարունակ, կոչվում են «Շահութաբաժինների արիստոկրատներ», իսկ այն ընկերությունները, որոնք ավելացնում են իրենց շահաբաժինների վճարումները ավելի քան 50 տարի՝ «Շահաբաժինների թագավորներ»:

Շահաբաժնային բաժնետոմսերի ընտրությունից հետո ներդրողը կարող է սկսել բաժնետոմսերի գնումը: Դա անելու համար կարևոր է հասկանալ մի շարք կետեր`

Թեև շահաբաժիններն ապահովում են որոշակի կայունություն և կանխատեսելիություն դրամական միջոցների հոսքերում, շահաբաժնային բաժնետոմսերի գնումը որոշակի ռիսկեր է պարունակում:

Սկսեք ներդրումներ կատարել այսօրվանից։ Բացեք անվճար բրոքերային հաշիվ Unibank Invest-ում՝ լրացնելով առցանց հայտը կամ զանգահարեք +374 43 004 382 հեռախոսահամարով: