Ross Stores – ամերիկյան կազմ ակերպություն է, որը ղեկավարում էRoss և dd's DISCOUNTS զեղչային խանութների ցանցը, որոնք վաճառում են հագուստ և տնային ապրանքներ: Կազմակերպությունը ցուցաբերում է բիզնեսի վստահ դինամիկա՝ հաճախ գերազանցելով շուկայական սպասելիքները: Ross Stores-ի բաժնետոմսերը վերջին 12 ամիսների ընթացքում աճել են գրեթե 24%-ով: Կազմակերպությունը իրականացնում է նաև շահաբաժինների կանոնավոր վճարումներ և կատարում իր բաժնետոմսերի հետգնում: Բաժնետոմսերի արդարացի գինը կազմում է $163.6, պոտենցիալ աճը 14.6%, իսկ շահաբաժնային եկամտաբերությունը 1%:
Ներդրումային թեզեր
🔼Ուժեղ ֆինանսական ցուցանիշներ – 2024թվ.-ի ֆինանսական տարվա առաջին եռամսյակի (ավարտվել է 2024թվ.-ի ապրիլին) արդյունքներով Ross Stores-ը ցույց է տվել $4.86 մլրդ հասույթ, ինչը 8.2%-ով ավել է նախորդ տարվա նույն ժամանակահատվածի համեմատ: Մեկ բաժնետոմսի գծով ճշգրտված շահույթը (EPS) աճել է $1.09-ից մինչև $1.46: Երկու ցուցանիշներն էլ գերազանցել են շուկայական կանխատեսումները: Վաճառքի համեմատական ցուցանիշներն աճել են 3% տ/տ, իսկ օպերացիոն մարժան աճել է 205 բազիսային կետով՝ հասնելով 12.5%-ի: Կազմակերպությունը այս եռամսյակի համար ակնկալում է, որ վաճառքների համեմատական աճը կլինի 2-3%, իսկ EPS-ը կկազմի $1.43-1.49 նախորդ տարվա նույն ժամանակահատվածի $1.32 համեմատ:
🔼Շահաբաժիններ և հետգնում - Ross Stores-ը կանոնավոր կերպով վճարում է շահաբաժիններ՝ բացառությամբ 2020թվ.-ի վճարումների COVID-19 համավարակի պատճառով: Վերջին երկու տարիներին դրանց չափը մեծացել է: Ընթացիկ ակնկալվող շահաբաժնային եկամտաբերությունը կազմում է 1%: Բացի այդ, նախորդ եռամսյակում կատարել է սեփական բաժնետոմսերի հետգնում $262 մլն-ի սահմաններում, իսկ ամբողջ 2024թվ.-ի ֆինանսական տարում նախատեսում է հետ գնել $1.05 մլրդ արժողությամբ բաժնետոմսեր: Դա վկայում է բիզնեսի կայունության և ղեկավարության ապագայի նկատմամբ ունեցած վստահության մասին, ինչը լավ ցուցանիշ է բաժնետոմսերի համար:
🔽Ռիսկեր – Կազմակերպությունը իր ֆինանսական հաշվետվությունը կհրապարակի օգոստոսի 22-ին, ինչը կարող է առաջացնել բաժնետոմսերի գնի բարձր տատանումներ:
Ներդրումներ սկսելու համար անվճար բացեք բրոքերային հաշիվ Unibank Invest-ում՝ լրացնելով առցանց հայտը կամ դիմեք +374 43 004 382 հեռախոսահամարով:
Իրազեկում!
Վերոնշյալ տեղեկատվությունը չի հանդիսանում ներդրումներ կատարելու հիմք, ինչպես նաև եկամուտ ստանալու երաշխիք կամ խոստում: Մինչ ներդրումներ կատարելը, դուք պետք է ինքնուրույն գնահատեք հնարավոր ռիսկերն ու օգուտները, ինչպես նաև ձեր պատրաստակամությունն ու կարողությունը՝ ընդունելու նման ռիսկերը: